Forteljaren jobbar på eit underjordisk kontor der han spissar blyantar, makulerer papir og kokar kaffi. No tenkjer han på ei seinsommarnatt han lenge har prøvd å gløyme. Innimellom arbeidet skriv han ned nokre namn og setningar, og det tar form som ei soge frå 1980-åra på Hadeland, som i soga er ein skuggeheim med overnaturlege vesen som englar og skrømt. Historia går i ring rundt seg sjølv i tid og rom, og midt i kvervelvinden finn vi karakterane, til dømes Kælven, Pærepål, Knutsprut og Beinrangelroger. Leif Høghaug er forfattar og lyrikar og har mellom anna gitt ut diktbøkene «Fama» og «Kommunion 2017». «Kælven» er den første romanen hans. Omtalen er utarbeidd av BS.
