Dette er ei ny og revidert utgåve av "Dei norske dialektane" (1997). Boka gjev eit oversyn over norske dialektar. Det dreier seg om dei norske målføra slik dei har vakse fram frå norrønt og opp mot vår tid. Den språkhistoriske utviklinga bak dialektsærdraga står sentralt i framstillinga. I tillegg blir det lagt vekt på å visa det grammatiske systemet i dagens talemål. Språksystemet i dialektane blir heile vegen samanlikna med grammatikken i bokmål og nynorsk. Forfattaren drøfter og årsakene til at talemålet endrar seg, og gjev opplysningar om dialektutviklinga i Noreg dei siste åra. Boka er relevant som pensum på ulike nivå i norskstudiet på høgskolar og universitet. Den kan også brukast som oppslagsbok for alle som er interesserte i norske dialektar og norsk språkhistorie.
