Asgeir Åsason er fødd i år 907 og veks opp på øya Bru i Sunnfjord. Ingen veit kven far hans er. Dette er ei stor skam, så medan jamaldringane får reise i viking, må Asgeir vere heime og gjere ”kvinnfolkarbeid”. Vismannen Tormod Frode tek seg av han i løynd, lærer han språk og idrettar og fortel at han er etterkommar av guden Odin. Men dette må han halde for seg sjølv til tida er inne. Dronning Gunnhild er gift med kong Eirik Blodøks og får stor innverknad på lagnaden til skosveinen Asgeir. Asgeir oppdagar etter kvart at han har magiske krefter. Dette er første bok i serien ”Odins smykke” som går føre seg i brytningstida då heidendom og åsatru stod mot kristendom og Kvitekrist. Forfattaren har nordisk hovudfag, er pensjonert rektor og lokalhistorikar.
