Selebot for sjel og sinn

«Å skrive er selebot for sjel og sinn.
Eg oppdaga det i ung alder.»

Slik innleier Inger Ramberg Røthe si diktsamling Men størst av alt. I denne utgivinga deler ho sine personlege erfaringar med å miste to ektemenn, og korleis både dikt og måleri har vore ein måte å bearbeide sorga på.

Inger Ramberg Røthe er fødd og oppvaksen på Høylandet og bur no på Sparbu.

Onsdag vitjar ho biblioteket for å fortelje om korleis tapa har prega hennar kunstnariske uttrykk, og korleis ho bruker kunsten som eit verkty for å bearbeide og dele opplevingane sine.

Arrangementet er i regi av Steinkjer Mållag, som held årsmøtet sitt etter foredraget.