Denne handboka gir ei innføring i ti sentrale emne i den norrøne filologien: handskriftene, tilpassinga av det latinske alfabetet for norrønt, lesing av runer, dialektar i gammalnorsk og gammalislandsk, syntaktisk utvikling frå urnordisk til mellomnorsk, mellomnorsk språk i seinmellomalderen, person- og stadnamn, norrøn verselære og skaldedikting, og eit kortfatta oversyn over den norrøne prosaen. Boka egnar seg for studentar på høgskole og universitet, men kan lesast med utbyte av alle som er interesserte i den norske språkkulturen i mellomalderen.
