Gro Dahle - Bildebøker som leikeplass
Torsdag 29. april klokka 19:00 kjem barnebokforfattar Gro Dahle og har foredrag for vaksne om barnelitteratur.
Torsdag 29. april kl. 19.00
Steinkjer bibliotek
Inngang kr 40,-
Tema for forelesinga er bildebøker som leikeplass. Gro Dahle vil fortelja om bildebokas moglegheiter som møteplass mellom tekst og bilde, og mellom diktar og bildekunstar.
Gro Dahle (f. 1962) skriv og skriv og skriv og har ein imponerande bibliografi som inkluderer diktsamlingar, bildebøker, barnebøker og prosabøker – mange innanfor såkalla allalderlitteratur. Ho har kort veg til illustratøren sin som er mannen hennar, Svein Nyhus. Av titlar der ho har tekst og han illustrasjonar, kan vi nemne: Den helt vidunderlige grisen Nøffi (1998), Snill (2002, Bragepris) og Håret til mamma (2007). Ho debuterte med diktsamlinga Audiens (1987), og den siste boka hennar er trøste- og nattaboka God natt, natt (Cappelen Damm, 2009 – nominert til Kritikerprisen og Kulturdepartementets bildebokpris).
